譚仔三哥米線 (幸福中心)

营业中

休息中

谂住开开心心同老公睇刘华，就决定拣云南米线医饱个肚先！点知就火都滚埋…六点半去到有好多吉枱，啲阿姐唔招呼我哋，咁咪自己拣位坐啰，拣完嘢食叫极都冇阿姐同我哋落单，明明坐喺收银喺隔离都唔理我哋…结果要同枱的人又叫嘢食先引到啲阿姐注意…落完单后老公话想加青瓜，就叫番落单个阿姐，点知俾佢一句得埋嚟"头先又唔讲，妳唔见我好多单要落咩"，咁对唔住啰!之后第二谷气就系去厕所…明明厕所写住话落一层转右，去到先发现要锁匙，返铺头问收银借匙，佢话"我哋冇匙，出去问保安借…"，咁咪出去问保安，点知保安话商场已经将厕所匙俾晒啲铺头，叫我问铺头借，玩嘢咩人哋急尿架！再入返铺头问个收银，佢话厕所咪出玻璃门前面个公园咪系厕所啰！痴线架，叫我出公园个公厕解决 结果我问隔离铺个知客借匙去厕所咋！跟住更谷气的事系等咗成半个钟都未嚟嘢食，净系得两杯嘢饮，想叫啲阿姐催单，又系唔理我哋 跟住间铺开始多人，就有个阿姐就埋嚟叫我让个位出嚟俾等位嘅客坐(我用咗一张圆凳放手袋)，个阿姐都唔系路，张枱都已经坐咗六个人，仲要摄多一个人，我老公即时话个阿姐叫就唔过嚟，迫人让位就识即刻走过嚟，个阿姐即时黑面仲同个新客讲"人哋唔肯让㖞㖞㖞"，哗