影片
更多
2016-08-20
1280 浏览
今日谂住帮朋友庆祝生日咁去试下食蒸气火锅啦，谂住改低个蛋糕入雪柜叫左好耐都冇人理，D侍应真系非常繁忙可能唔够人啦，咁我系见到报纸优惠先上嚟试下的，点知原来只限某几间分店先有𠮶个价钱，咁算啦怪自己唔够眼力睇D细字，咁比优惠价每人贵多40蚊，咁谂住落单的但我地还有2个朋友未到咁谂住迟一阵先再落单啦，跟住就有个收银大婶过嚟叫我地一定要落单先，又话计落单时间起只可以食2小时？我地话呢度唔系任食做咩要计我地时间食丫？又冇写明食2小时，之后D嘢都未食完大婶9点已拎张单埋嚟叫我地埋单，张单明明系20:17落单的如果计我2小时系咪22:17 先够钟呢？𠮶个大婶发脾气话张枱booking既人已到，咁系你自己编排有问题关我地咩事呢？明明隔离枱都系8人枱仲早过我地食又唔迫𠮶枱走既，我地拣平D既餐就好虾D既，叫D人快D收晒我地D嘢，但我地跟本未食完而且蛋糕都未食，连D侍应都觉得个大婶太过份扮晒老细咁，但个侍应仲好好人帮我地拎蛋糕，我地只系想快D食完蛋糕就走的，都冇谂住霸住张枱。经过今次咁既服务态度我谂都唔会再嚟
张贴