紅樓

营业中

休息中

今日（14/11/2022）来红楼饮早茶，十点坐下，侍应话用手机落单，十点零七分落单，点了六个点心。后见邻枱有点心纸，再问侍应攞，原来点心纸有$9.8安虾咸水角，但手机落单系无。强烈建议，用点心纸落单好快来了叉烧肠及Q版白免拌菲林卷，叉烧肠都可以，但Q版白兔拌菲林卷，菲林卷换了芒果糯米糍，点心放下，即问送餐姐姐，回覆是改了好耐，但未改点心纸，咁算啦，白兔仔样子可爱，是芒果奶冻来，好味，芒果糯米糍唔太甜，都好食。食咗2个点心后，一直都无点心嚟，到十点八加单时问部长，部长话要蒸，叫我哋耐心等候，十点十，加单点心蟹籽烧卖皇及安虾咸水角都来，再催部长，都系要等。十点五十五分，除腊味糥米饭外，其他点心都来。红楼虾饺皇 ，麻麻地，皮无咬口，馅料松，山竹牛肉球及潮州粉果就几好。十点五十八分，部长话腊味糯米饭就来，故先去埋单，因十一点后茶钱要$12，坐收银枱的经理话十一点九前系$9，点解又同点心纸唔一样？腊味糯米饭十一点二来，赶时间，急急食咗就去埋单。