紅茶冰室

营业中

休息中

我错了，系我唔啱，下午三点经过见唔使排队便入内用餐，打扰正在聊天嘅尊贵的接待师要接待我入座。我错了，明明下午茶时段，我又去叫正价嘅猪扒旦餐，干扰咗厨师嘅运作，所以猪扒冻嘅、通粉汤系微微温的、旦系冻的。我错了，见到面包师高声叫吞拿鱼包出炉， 一个人食个餐咪好啰，衰贪心，举手同接待师讲唔该想加个吞拿鱼包，佢用眼神望一望我然后去电脑枱按掣，我等了差不多十分钟，再次举手问接待师，我刚才叫了吞拿鱼包未到，再等了几分钟才送上，原来他们关心我，担心一出炉食面包会热气，攞了一个全不热的吞拿鱼包俾，真多谢了。我错了，你们辛苦为我送上食物，我冇双手接，麻烦咗你地每次离远近似将食物飞埋将枱上，真是我错了。千错万错都系我错，下次我唔敢入嚟打扰你哋了。