泰軒美食 (已結業)

呢间嘢都帮衬咗好几年，多数堂食，食物ok，但服务态度就有保留，初初都还可以接受，最多落单时语气唔系几好，但近几年都系打去叫外卖多，听电话𠮶个应该都系老细，语气都系差，好晦气𠮶种，都算，简单落完单就算，我接受....但早两日打去叫外卖，佢嘅态度同语气竟然差到正常人系接受唔到，我本身系打算叫两个唔同嘅炒饭，讲完一个炒饭后，佢即刻问我饮咩，我答咗佢，佢跟手再即刻问我仲要啲咩，我话要一个xxx炒饭，佢即刻炳我，话要叫完厨房嘢先叫水吧嘢，哗，佢痴线架？又系佢自己即刻问我饮咩先嘅，唔讲仲以为我向佢乞咁，真系火都嚟，我咪即刻炳返佢啰，真系完全冇谂过叫外卖都可以搞到一肚火，叫完之后，越谂条气就越唔顺，于是转头我就打去取消，佢竟然话唔得，话已经整好咗，叫我即刻去攞，我梗系睬你都有味啦，永远都唔会再帮衬呢间垃圾!😡😡😡