影片
更多
2009-02-20
6 浏览
十二月五日, 呢头终于有新食店开张可以畀我哋去试吓,本来都抱住几大期望, 点知一坐底, 见到啲餐具就唔开胃...无论啲餐碟、豉油碟、筷子, 定系个茶杯, 全部都好似未洗干净咁......全部都有好多油迹喺度呀!! 真系忍唔住要影底佢! 哗! 呢间嘢有冇再离谱啲呀!!我哋当然顶啲餐具唔顺啦! 叫个人埋嚟帮我哋换晒啲杯佢, 啲职员既面口仲好似唔多钟意咁, 见我仲拎住只杯系咁望, 个职员竟然话 :「你畀我先啦!」跟住又听到个经理行埋嚟叫个职员 :「畀过啲洗过既杯佢哋啦!」哗................. 呢间嘢真系... 坐又坐得唔多舒服, 真系有啲想走,但谂到唔食过啲嘢而写食评既过会有啲唔公平, 所以决定点都食埋先走。佢十几廿款午市套餐, 我哋大部份人都叫咗个唔同料既手打乌冬猪骨汤底加寿司套餐 ($38),个汤底唔掂, 又油又味精, 啲乌冬好普通, 虽然我知呢个价钱好平, 但啲质素唔系差到咁呀?!件寿司我拣咗辣汁三文鱼, 等咗劲耐先嚟, 仲要帮我落错单, 我话唔系要佢送嚟𠮶款寿司, 其实同事都听得好清楚我要乜嘢,但职员个样仲好似觉得系我自己搞错咁, 唉...等到差唔多食完成个面呢两件寿
本来都抱住几大期望, 点知一坐底, 见到啲餐具就唔开胃...
无论啲餐碟、豉油碟、筷子, 定系个茶杯, 全部都好似未洗干净咁......
全部都有好多油迹喺度呀!! 真系忍唔住要影底佢! 哗! 呢间嘢有冇再离谱啲呀!!
我哋当然顶啲餐具唔顺啦! 叫个人埋嚟帮我哋换晒啲杯佢,
啲职员既面口仲好似唔多钟意咁, 见我仲拎住只杯系咁望, 个职员竟然话 :「你畀我先啦!」
跟住又听到个经理行埋嚟叫个职员 :「畀过啲洗过既杯佢哋啦!」
哗................. 呢间嘢真系... 坐又坐得唔多舒服, 真系有啲想走,
但谂到唔食过啲嘢而写食评既过会有啲唔公平, 所以决定点都食埋先走。
佢十几廿款午市套餐, 我哋大部份人都叫咗个唔同料既手打乌冬猪骨汤底加寿司套餐 ($38),
个汤底唔掂, 又油又味精, 啲乌冬好普通, 虽然我知呢个价钱好平, 但啲质素唔系差到咁呀?!
件寿司我拣咗辣汁三文鱼, 等咗劲耐先嚟, 仲要帮我落错单,
我话唔系要佢送嚟𠮶款寿司, 其实同事都听得好清楚我要乜嘢,
但职员个样仲好似觉得系我自己搞错咁, 唉...
等到差唔多食完成个面呢两件寿司先嚟到, 仲要啲辣汁系落喺面, 唔系沟落啲三文鱼粒度架!
两个同事既牛肉猪骨汤手打乌冬, 同事都话个汤好油好味精, 啲牛肉又多肥膏...
佢哋几个都系叫三文鱼寿司, 卖相都 OK, 食落普通㖞~
另一个男同事既鳗鱼饭套餐 ($32), 有个面豉汤, 冇寿司跟,
男同事话个饭系冻既, 份量还可以, 面豉汤都系唔够热, 味道普通。
以上都唔算最离谱, 最离谱系其实仲有位同事叫咗个猪软骨手打乌冬餐,
点知个猪软骨乌冬应该系漏咗单, 我哋一人吹咗一次, 都未整到个猪软骨,
但又见其他迟过我哋落单既人有得食猪软骨㖞!!
吹到最后我个同事发晒脾气, 决定唔食走人!
冇计啦! 加埋吹咗五次单, 我哋已经特登食慢啲就噃, 但都系乜都食完啰!
最后个经理行埋嚟系咁讲唔好意思, 又话送噃两碟寿司㖞~
我哋冇要就埋单走啦! 大佬呀! 两碟寿司? 饿咗成大半个钟, 边够饱?
而且已经够钟要返上写字楼, 仲边得闲喺度食?!
唉! 呢间嘢真系估佢唔到可以由头差到落尾差得咁离谱!!
仲要系喺铜锣湾区新开张咗几日都可以搞成咁!! 唔系平就有生意架!!
Anyway, 所有同事一致决定"冇下次"!!
更详细资料及图片请看 : http://hk.myblog.yahoo.com/joycewai616/article?mid=11653
张贴
