影片
更多
2008-07-09
56 浏览
早两日难得好友食家"乜都放入窿"过开海, 又可以夹到时间, 于是就相约师傅共进午膳, 话时话师傅真系好耐都冇同好友食家"乜都放入窿"午膳喇, 所以都几开心同兴奋, 亦不禁令师傅想起读书嘅情景!好闲话休提, 一见到好友食家"乜都放入窿"后, 先至开始谂下食咩好; 一面沿路向铜锣湾方向行, 一面开始搜索; 师傅知道好友食家对午餐份量要求唔多, 质素反而重要, 咁啱行到鹅颈街市嘅熟食中心楼下, 师傅就问下好友食家有冇兴趣, 皆因上面选择又多, 味道都讨好; 而好友食家"乜都放入窿"皆因从未试过, 所以亦决定一试!同好友食家兜左个圈到, 师傅就提议呢间食店, 皆因每次师傅经过都会见到好多人排队, 加上我俩都未试过, 就扑锤!呢间食店主打系车仔面,师傅当然唔会错过啦, 于是就去排队柯打; 而好友食家"乜都放入窿"就柯打左个轻量级食物, 奶酱多同冻鸳鸯!先讲下师傅个车仔面, 要左四𩠌, 三猪一牛加米粉, 猪红, 猪皮, 猪肠同牛肚! 先试下个汤底, 味道较淡口, 不过咁都好至少唔会有味精; 猪红都几滑身, 但唔会系一夹就散, 可以啦; 猪皮未算好爽口, 有几片过腍, 质素参切, 普通; 猪肠就炆
好闲话休提, 一见到好友食家"乜都放入窿"后, 先至开始谂下食咩好; 一面沿路向铜锣湾方向行, 一面开始搜索; 师傅知道好友食家对午餐份量要求唔多, 质素反而重要, 咁啱行到鹅颈街市嘅熟食中心楼下, 师傅就问下好友食家有冇兴趣, 皆因上面选择又多, 味道都讨好; 而好友食家"乜都放入窿"皆因从未试过, 所以亦决定一试!
同好友食家兜左个圈到, 师傅就提议呢间食店, 皆因每次师傅经过都会见到好多人排队, 加上我俩都未试过, 就扑锤!
呢间食店主打系车仔面,师傅当然唔会错过啦, 于是就去排队柯打; 而好友食家"乜都放入窿"就柯打左个轻量级食物, 奶酱多同冻鸳鸯!
先讲下师傅个车仔面, 要左四𩠌, 三猪一牛加米粉, 猪红, 猪皮, 猪肠同牛肚! 先试下个汤底, 味道较淡口, 不过咁都好至少唔会有味精; 猪红都几滑身, 但唔会系一夹就散, 可以啦; 猪皮未算好爽口, 有几片过腍, 质素参切, 普通; 猪肠就炆得好腍, 咬口一流, 唔错; 而牛肚卖相唔靓, 皆因唔系金钱肚, 但就够腍够入味, 都几好味, 仲都点? 米粉就冇咩特别, 不过份量都唔少, 加埋辣椒酱好味, 唔错; 冻柠茶都几好, 茶味都几浓, 加上又够冻, 都几好味!
而好友食家"乜都放入窿"嘅奶酱多, 师傅就冇试到, 但见到奶酱嘅份量都几多, 多士应该系即叩即烘, 卖相都几脆; 而冻鸳鸯师傅亦有幸一试, 茶味浓时啡亦香, 真系估佢唔到咁正!
总括黎讲食物质素颇好, 加上选择又多, 唔会独沽一味得车仔面, 仲有猪扒包, 三文治同多士等, 实有一样啱你心水; 环境都几舒服, 冷气充足, 师傅都冇食到成身汗; 服务都几友善; 价钱系非常实惠, 十八蚊一碗三𩠌车仔面, 加多一个𩠌就四蚊, 冻饮就加多六蚊; 而奶酱多加冻鸳鸯都系十三蚊, 即系大约七蚊份奶酱多, 六蚊杯冻鸳鸯啦, 好抵食!
起初师傅都担心呢间食店会唔会改错名, 皆因发音唔准除时读左"求其"; 但今次同好友食家"乜都放入窿"午膳后, 大家一致认同呢间食店都几掂, 一啲都唔求其, 所以有机会一定会再黎, 笑脸一定要比啦!
张贴
