京都薈 (已結業)

放工后同屋企人食饭，佢地都系偏好中式菜，所以去呢间食小菜。之前有试过火锅，水准普普通通，今次试下小菜味道。-蛋白炒饭 炒饭唔算炒得好干爽，只系普通茶记水准。蛋白碎唔够香，唯一可以赞嘅系份量唔算少，但炒饭真系无咩镬气。-京式片皮鸭 估唔到有片皮鸭食，虽然无食过北京正宗片皮鸭，但自己都觉得呢款菜几特别，所以专登叫咗试下。鸭肉油份稍多，肉质未算好嫩滑。裹住鸭肉嘅饼皮偏厚同太韧，质地都较嚡口。不过都会有酱汁同青瓜丝作伴，尚算可以。-上汤波士顿龙虾伊面 汤底亦唔够浓郁，汤质偏稀，所以伊面都唔太入味。龙虾肉尚算不错，唔会少得可怜，不过弹牙度同鲜度欠奉。-脆皮烧腩仔 烧腩脂肪唔会太多，脆皮都香口，无变得软稔嘅情况。但略嫌太咸，要靠白饭中和。-生炒骨呢款菜式令我颇惊喜，酱料几特别，排骨酸甜适中，食落好开胃，伴饭一流。