南記粉麵 (已結業)

有一日在office见到有个同事食紧面，好似好正咁，问佢掂唔掂同埋系边到买，答案系正！在南记买。既然咁讲得，今日有机会就同朋友去会一会佢。Lunch time，我第一时间冲去，朋友住附近，所以已经到埗。十二点左右已经好多人，好彩有张二人台。一个人坐低霸位，另一人去排队买野食，我拣了四宝紫菜面加杯冻柠茶，朋友就好似系要双丸河。我个面要成$26，加埋饮品要$32，食面来讲都算几贵，不过中肯ｄ讲句，个面确实系几大碗。四宝其实即系鱼旦、牛丸、八爪鱼丸和春卷，鱼旦比起谢记个ｄ真系争小小，牛丸和八爪鱼丸一般，就连最有名既春卷都冇咩惊喜。你话佢好差其实佢又唔系，不过就冇谓山长水远来食。