定食8 (已結業)

第一次嚟呢间食，水准就真系非常之一般啊！记住落完单之后，当员工俾番张单俾你，自己记住睇多次，因为佢哋极有机会入漏单，到时自己等咗好耐都未有得食。成餐饭最正常就系个咖喱汉堡饭，整体来讲个咖喱都几好味，小小辣，唔系𠮶种带甜嘅咖喱，个人就几钟意呢款啦。鱼生饭就一般啦， 40几蚊，唔可以要求太多，不过啲饭真系超级少，俾佢个碗呃左。所以，要加多其他嘢食先够饱。加咗$10陪唐扬炸鸡，都OK嘅。又叫咗个综合刺身，质素一般，好似唔系太够冻。明太子鸡翼都系正常啦。但系我就唔会再帮衬啦，因为食咗咁多嘢都百几蚊一个人，咁我不如俾多少少钱食好少少好过啦。