民華餐廳

营业中

休息中

今日去咗旺角行街到晚上揾嘢食，记得有间成日都经过但未试过食晚饭，今晚就特登试下呢间餐厅。坐低咗睇餐牌见有两个瑞士餐及几个咖哩餐，咁就叫咗个瑞士猪扒煎蛋饭要 $45，个分量都算足，但呢个餐唔包嘢饮，要加多 $13 先有杯冻嘢饮，成个套餐要 $58. 如果有跟个汤或饮品半价都好 d, 可能佢哋仲系用做游客嘅价钱，讲返碟嘢就普通炸咗嘅猪扒，畀个话系瑞士汁，但感觉似普通甜酱油多，猪扒肉质就软，食落都 ok, 其他就无咩特别或惊喜，有样觉得唔好系佢哋d 侍应，食完嘢就一阵过来陆陆续续系咁收走 d 嘢，唔知系佢哋无嘢做吖定系想赶你快 d 走，但餐厅仲有好多位无人坐，我知有 d 餐厅好钟意做呢 d 小动作，但已我来讲呢 d 餐厅食过一次后都唔会再帮衬， 所以我都系试过一次就够喇。