盈翠軒 (裝修中)

呢间嘢原来收费海鲜价，10月头嘅$328/位去到12月头嘅418蚊/位👎我10月尾打电话book11月中去食 , 职员表示$328/位优惠价已经做完喇，最新收紧$398/位，点知去到食之前两日再打电话来确认订座，职员表示收费已经调整去到$418/位😑食物方面有餐牌上面既8款食物任叫任食大闸蟹🦀全部二両半左右，有膏但无乜香味，值得一赞嘅系无死蟹，上蟹速度可以再快啲，可以唔需要客人三催四请先肯上蟹🤦‍♀️顶级蟹肉燕窝羹无燕窝，脆皮烧鹅皇皮唔脆，成碟烧鹅冻冰冰嘅👎 反而8头鲍鱼有惊喜，可以叫多两碟回本👍😊其他食物方面不过不失，一般普通酒楼货色， 不过绝对可以食饱你。