鮨川 (已結業)

见到上网推介价格又抵就谂住一于试下。去到安排我哋坐bar枱，我哋叫左9贯同12贯，omakase食嘅其中一part其实都系睇师傅嘅展示，但serve我哋嘅师傅唔系我哋前面果个，反而系角落头果个，完全睇唔到佢做紧乜，连名牌都无，好似学徒咁，然后佢俾我哋嘅碟系普通碟，其他一样食9贯嘅碟都比较精美，唔知咩原因。前菜沙律同海蜇都几好味，蒸蛋就好一般。油甘鱼、雕鱼、其他寿司都正常嘢无咩特别，海胆、拖罗就最好味，之前上网睇片最后会系乌冬，但变左做手卷，太多芝麻，盖过哂d味，再之后嚟个甜品咖啡雪糕球。环境一般般唔系靓装，店唔大，一入门口就bar枱，客与客之间都好近，帮倒茶服务好，唔会要你无先倒，呢样几好。因为新年后去唔知会唔会加二所以打电话去问定，到最后去到价钱竟然唔一样，加咗价。整体，呢个价钱嘅omakase系平，无左师傅serve，食物种类一般，味道一般，环境一般，只可以话呢个价钱去第到可以食好D。