義順牛奶公司 (已結業)

食饱饱，心痒痒，所以和朋友结伴揾甜品食。原本饱饱地，唔想食咁漏既甜品，但揾唔到其他甜品舖，所以最后近近地去了义顺。义顺真系冇乜甜品选择，全部都系同奶有关。结果叫左姜汁炖奶。幸好，不算好漏，份量亦不算多，都食得哂。个甜品叫做够冻，亦算滑。不过，因为佢个品牌咁劲，又四围都系分店，所以水准不算十分高，都系一般水平啫。服务就不错，我地有个朋友怕热，d服务员好热情及客气揾一个较凉的位置俾佢坐，虽则其实都系差唔多咁热。而我地因为响度倾计，都坐左一阵，但d服务员好有礼貌，见我地杯茶饮完，都即时加俾我地，唔系赶客那种。