鐵板漁屋日本料理 (如心廣場二期) (已結業)

好耐无食过放题， 听闻呢度放题有煎鹅肝，仲有比较少见嘅三文鱼头，三文鱼鲛， 想食餐好嘅就book咗呢一间渔屋午市放题试试。午市可以12点至3点，食足3小时。平板电脑落order，睇落都几多嘢。 但可惜最想食嘅煎三文鱼头，三文鱼鲛同鹅肝就暂停供应， 有啲失望。刺身第1 round咩都叫黎试下，但等足9个字先至上菜， 而且仲有啲冻同冰，好似未解哂涷就上枱咁。味道麻麻。寿司都要等9个字先有，味道一般。铁板烧嘅食物味道就好啲。烧虾: 有啲虾肉爽，有啲虾则比较霉。烧牛柳粒: 味道还可以，但肉质嚡咗少少，加埋蒜片一齐食都几好。炒韮菜:太咸，有根烧牛舌: 太淋，无口感，太咸烧多春鱼: 颇脆 虾多士: 香脆可口，仲有黑松露香味至于饮品都几多选择，仲有比较少见嘅杂果宾治，金牛，黑牛同罐装汽水。今餐放题好坏参半，但价值都要350蚊一位，性价比一般。