峰壽司 (已結業)

今日中午我们同好朋友一齐喺尖沙咀附近做完嘢之后去咗新港中心嘅「峰寿司」食午饭！因当时正正系午饭时间，所以有好多人排队等位，我们都要等咗一段时间先有位！我们叫咗寿司盛A同海鲜丼，虽然啲刺身都算几新鲜，但就比较薄身，所以口感唔系好丰富，寿司饭都几烟韧黏口！鳗鱼丼嘅鳗鱼肉质好软滑，味道都几鲜味，但又系略嫌比较薄身，所以口感欠奉！跟餐嘅面豉汤「就咁睇」见到有炸豆腐皮、葱花、等等等等⋯⋯以为味道同睇落都好似几好，但饮落就觉得面豉嘅味道唔够浓郁，呢点系令我们觉得有啲失望！沙律就不过不失！至于迷你乌冬可能煮到过晒时间，所以乌冬嘅面质系极之腍身，一啲都唔烟韧弹牙！