影片
更多
2022-10-02
374 浏览
由于youtuber 肥仔陈👱🏻♂️效应，心血来潮想试吓啲间无限时嘅火锅放题。今日系国庆日，明知多人在冇book位嘅情况下试吓walkin得唔得。我哋下午3:45左右到，前面有一张飞我哋系第二张，等到4:30先有得入。7:30之前交枱有8折，但我哋就系想试吓无限时慢慢打边炉，所以都拣左正价。佢有好多价位，我哋拣左第二级$398 （假日再加$10），啲个价位就系极级Prime安格斯牛颈脊，算系中规中矩。汤底有好多选择，因为之前食得太多麻辣锅，今次就拣个唔辣嘅「田园蕃茄浓汤牛肉涮涮锅」。个汤底好多料亦好浓郁，甜甜地好有蕃茄味。一开始佢会送上个shake shake 蕃薯条，有几款口味嘅粉俾你拣。几好食蕃薯好甜，但我哋食1、2条就够，要留肚食其他野，其实都真系几浪费，应该份量可以少啲/按要求先上。极级Prime安格斯牛颈脊👍🏻👍🏻👍🏻有牛味，亦几淋，但未至于会一想再食果种。净系睇个样都知道唔系属于好靓果种。而且唔知系咪想控制成本，师傅切得超薄几乎一夹就烂，口感上会差啲。放落汤碌几下5秒左右就要夹起，否则会「鞋」西班牙伊比利亚黑毛猪👍🏻👍🏻👍🏻好有猪味，几好食。一样系切得好薄，所以要注意碌嘅时
汤底有好多选择，因为之前食得太多麻辣锅，今次就拣个唔辣嘅「田园蕃茄浓汤牛肉涮涮锅」。个汤底好多料亦好浓郁，甜甜地好有蕃茄味。
田园蕃茄浓汤牛肉涮涮锅
7 浏览
0 赞好
0 留言
一开始佢会送上个shake shake 蕃薯条，有几款口味嘅粉俾你拣。几好食蕃薯好甜，但我哋食1、2条就够，要留肚食其他野，其实都真系几浪费，应该份量可以少啲/按要求先上。
蕃薯条
6 浏览
0 赞好
0 留言
极级Prime安格斯牛颈脊👍🏻👍🏻👍🏻
有牛味，亦几淋，但未至于会一想再食果种。净系睇个样都知道唔系属于好靓果种。而且唔知系咪想控制成本，师傅切得超薄几乎一夹就烂，口感上会差啲。放落汤碌几下5秒左右就要夹起，否则会「鞋」
Prime Grade 安格斯牛颈脊
9 浏览
0 赞好
0 留言
西班牙伊比利亚黑毛猪👍🏻👍🏻👍🏻
好有猪味，几好食。一样系切得好薄，所以要注意碌嘅时间，太熟就会变「鞋」。
西班牙伊比利亚黑毛猪
15 浏览
0 赞好
0 留言
手工丸配料👍🏻👍🏻👍🏻👍🏻👍🏻
啲个反而系我最欣赏嘅地方，佢有多款手工丸，包括梅菜猪肉丸、松露墨鱼丸/滑、麻辣牛丸，好弹牙亦都有肉味。可惜佢冇虾丸（可能又系成本嘅考虑？）
丸之外仲有几款自家制饺子，都系几好食的。丸同饺子都推荐一试
手工丸
13 浏览
0 赞好
0 留言
手工丸
4 浏览
0 赞好
0 留言
海鲜类👍🏻👍🏻
有虾、BB蛏子、蚬、鳝片、脆肉鲩、花胶片、帆立贝、雪藏鱼柳
虾都几大只同新鲜但冇虾味（因为唔系海虾）。蚬都新鲜可以食，蛏子超细只而且冇味的，唔推荐。鳝片/脆鲩片切得太薄，完全冇口感亦冇鲜味。其他海鲜例如花胶、帆立贝、鱼柳都系啲下价货色，同$200 任食火锅放题果啲冇分别，唔食唔会可惜果种。
虾
7 浏览
0 赞好
0 留言
海鲜类
9 浏览
0 赞好
0 留言
海鲜
10 浏览
0 赞好
0 留言
跟住就系啲一般野例如蔬菜、面类、鱼皮响铃等等就唔介绍了，都系普普通通（台湾冻豆腐唔推荐，好似食面筋咁，并唔系蜂巢豆腐应有嘅质地）
甜品有movenpick雪糕、dryers甜筒，但每人限食一杯。
甜品
6 浏览
0 赞好
0 留言
其实食咗2个钟啲食物已经试过晒，牛猪okay但又唔会想不停添加果种，丸好食但每款试左两粒就够，海鲜唔太鲜，其他火锅配料都系好一般唔会想encore。4点半入座7点其实都食完，后悔拣左无限时，早知拣7点半前离座有8折，最后我哋慢慢食坐到9点半先走🤣 算系食左5小时抵番，肚皮饱了，但口福就唔系好满足，因为冇嘢系好好食（包括牛）…基本上你系冇可能食得返本，系靠「时间」上抵番。
总结：虽然系无限时放题，但食物种类同质素都系一般般。建议一早book枱食lunch，咁你可以一直打到天黑仲有8折。如果打算夜晚食火锅放题，同价钱有更好选择，唔推荐啲间。
食物：❇️❇️❇️
环境：❇️❇️❇️
服务：❇️❇️❇️
价钱：❇️❇️❇️
翻兜指数：❇️
张贴
