鳥羽名古屋料理 (已結業)

四个人weekdays夜晚黎食，book左七点半，去到唔驶等位。呢度系分两层，我地被分配坐楼上。店员好快就递上热茶同前菜。前菜系类似蚝油拌菠菜，偏咸。我系第一次黎，交比友人发板叫野食。因为电话冇电，所以就冇影相。手羽先唐扬：叫左5只，因为有一个朋友唔食得辣，我地叫左甜味。鸡翼唔算大只，烧得好干，冇其他食评形客得咁好食。(有机会叫辣味再试过)串烧- 牛舌、猪颈肉、冬菇、羊架： 牛舌同猪颈肉实在系不错，厚身，肉质爽口。羊架一般，骚味够。冬菇就极为普通(一串只有3件，为起成10蚊一件)。另外就系烧既时候，盐撒得不够均匀，有好几件牛舌系极咸。炸腐皮温泉蛋：似乎系必食，基本上台台都有点。一啖一件，蛋黄既香味同腐皮溶埋一齐，不错。鳗鱼玉子卷：不过不失，唔够热。味噌乌冬：芡汁好"杰"身同好咸，乌冬煮得太"林"，唔爽口。烧鲈鱼：一个order两件细细的，食落去有d似银鳕鱼，鱼肉带油份，味道可以。食完呢餐，最大既印象就系d野食偏咸。埋单九百五十几，觉得有d贵同食唔饱。但值得一赞既系侍应服务真系唔错，自动自觉，好快就会加茶。