泰.夯蝦 (已結業)

流水蝦在荃灣開咗分店，近地鐵站，網上好多人話好正，當然要卜位去擦餐先。去到餐廳環境好大，枱擺得比較迫，好彩4個人，安排大卡位，放置蝦地方比較窄，要自己用筲箕去夾蝦，蝦好新鮮紮紮跳，除咗蝦，海鮮重有生蠔帶子蜆同扇背，另外燒烤肉類有肥牛，雪花牛也不少，還有雞翼，串燒腸仔，菜，熟食都有唔少種類，有炸物，泰式鳳爪，醬料有蒜蓉，葸，辣椒，醬汁可以自己調配，甜品有雪糕球，口味好多款喎。最後重有飲品任飲，也有生果包括西瓜，菠蘿，哈蜜瓜。總結：流水蝦試一次就夠喇，因為價錢根本唔平，質素一般，同韓燒比又貴咁多，試過就算。