佐賀燒肉谷 (大鴻輝(荃灣)中心) (已結業)

一向钟意去大鸿辉试新嘢，荃湾好就脚方便约朋友食饭。呢间新嘅日式烧肉放题试过就算啦，普普通通冇下次，胜在新同埋座位好坐。今次试左个D set, 17:00前可以每位减$40👍🏻四个人坐好松动，用QR order,每次而只可以落10样嘢🙈（即系落10块牛舌已经够啦），仲要隔一分钟至可以再落单，如果多人食都真系会好狼狈。开始有呢set九宫格试，呢set嘅牛舌系最好食，之后嚟果啲都好差。🤦🏻‍♀️虾好大只，朋友烧到刚刚好，好弹好食。带子一般，烧完缩得好劲😂呢盘蔬菜都算新鲜，南瓜好好食。其实仲有凉拌冇影到相，海哲好爽唔错。食120分钟，上菜速度都算快，但有漏单情况。Lunch咁少人食都漏单，如果忙点算😂过时都冇吹人走，不过会逐个轮住行过嚟望下，俾下压力你哋😂😂留意返，有十个职员系逐个过嚟望😂😂最后cut last order,有漏单情况下吹左分别三个同事至上到叫菜🥲🥲🥲其中有个女职员仲要话落咁多惊你哋食唔晒🙃食过咁多放题，第一次听到呢句🤣🤣所以呢间真系冇下次😅牛肉质素非常一般，呢个价钱附近太多选择啦。