樂面牛屋 (已結業)

之前去开礼顿道果头觅食, 发现原来呢头好多餐厅, 所以今日次去睇睇有咩好食。呢间乐面牛屋因为处于转角位, 所以人流好旺。见佢有咁多捧场客, 而我咁岩都想食台湾野, 于是就入去试下。餐厅唔算大, 座位唔算多。我入到餐厅坐低左先发现原来店外的客人系等紧外卖的 (因为外卖自取有8折) , 早知我都叫外卖啦😅麻酱鸡丝干面 ($62)上枱时觉得成碗都都好Dry, 因为萝卜丝, 青瓜丝, 鸡丝同埋D面都系无汁的。但原来一翻开D面, 下面有超级多的麻酱, 足够将所有材料都沾满麻酱。面身似乌冬, 但食落似上海面, 感觉似两者既混合体。配料爽口, 鸡肉味都唔错, 唯独对于个麻酱, 我觉得芝麻味同花生味太重, 完全抢了配料的味道。一开头食既时候会觉得好浓郁好好味, 但因为佢好稠身加上重味, 食到最后会有D漏, 同埋好似浆住个口咁, 所以整体黎讲只属一般。热珍珠奶茶呢杯珍珠奶茶好甜, 系台湾饮品既味道呀! 珍珠细细粒, 好有咬口, 而且落既份量都几多, 我一路饮, 一路”不”珍珠黎食, 去到最尾都仲有珍珠剩低。