華嫂冰室 (蝦尾新村)

营业中

休息中

網上好多人都推介華嫂冰室，一路都想試，可惜時間就唔到，今次專登揸車入去天水圍總店。入到去都幾多人喺度等位，可能星期六的關係，一場嚟到唯有等啦！😑等咗大約30分鐘終於輪到我哋。雖然比咗張4人枱，感覺好逼夾，枱與枱之間都擺得好逼。餐廳設計一般茶餐廳格局，冇乜特別普普通通，可能天氣熱嘅關係，覺得冷氣唔係咁夠。嚟到華嫂茶餐廳，當然唔可以唔叫招牌菠蘿包，蕃茄湯底雞翼米線，芫茜豬潤米線及煎魚餅。菠蘿包都好軟熟，大致嚟講都叫做幾好食👍魚餅好唔錯，好彈牙，好味😋蕃茄湯底雞翼米線，賣相都唔錯，不過湯底太杰，變咗有傑撻撻嘅感覺，麻麻地。芫茜豬潤米線，湯底好清新，豬膶爽脆，very good好食😍