The Luxe Seafood Bar & Resto (已結業)

嚟到旺角，谂住揾个地方坐吓食吓嘢，行到朗豪坊，就一路睇衫睇化妆品睇饰品，样样睇吓，转吓转吓就上咗12楼，见到间舖嘅外观都唔错，见有$98 tea buffet，咁就贡入去，入到去，无咩人，可能都系刚刚两点半啦，不过都唔紧要，我都系谂住坐吓食啲嘢，但真系超失望，数埋都系得10多样食物，仲要明显哋系lunch buffet时段食剩的，例如有款类似烩鸡腿，打开个盘，居然得番5旧干争争嘅，仲要有层鸡油薄膜响面。。我特登夹嚟食，味道其实都唔错嘅，不过可能放得太耐了，干到有啲鞋口。。至于炸物，超级难食！！！不值一提。。沙律吧就正常少少，味道都只系一般。。要数最好食嘅嘢，我觉得蚬肉意粉同甜品最好食。。蚬肉意粉炒得干身，又带啲辣味，好好味。。比我想像中好食。。甜品虽然得三款，但其中两款我都俾高分数，朱古力蛋糕同类似蜂蜜蛋糕。。两样入口松软。。赞。。另外一款入面系苹果肉，面头就有啲碎果仁同cream。。略甜。。。本人觉得一般。。不过呢间餐厅都有入座时间起计个半钟要走，所以我觉得唔好，人哋第二间啲tea buffet边有时段分架？？所以可一不可再。。。下次一定唔会再嚟。。