明記甜品 (吳松街) (已結業)

去一些旧式的糖水舖,通常只会帮衬传统的糖水!例如蕃薯或腐竹白菓等几类.因为试过多次之后得出一个定律:旧舖试新嘢=濑嘢!当然有例外,不过我未试到.冻冰冰坐在室外本想叫碗有姜味嘅暖吓身,望望吓见到墙上面贴住呢款睇落几吸引,于是转軚!花生糯米麦粥----上台见到出晒烟,够热!用匙羹搅一搅睇落好多料,入口后发觉是另一回事,甜度是适中,但甜水的黏度却似有加工的嫌疑,有点似埋了个荳粉茨.花生大部份是未煲淋硬身的而且有几粒更是生的,但其它配料反而淋得没有咬口.因为这款糖水应该是"有Ｄ嘢咬吓果类"深水埗的绿林做得比这里出色很多!令到佢唔驶喊系因为够热!(坐喺街边冷风吹住食,够热呢样好重要!)未致于要弃船逃生,但下次会行多两分钟去佳佳.