一君士多 (已結業)

对某部份人黎讲，车仔面系回忆，高峰时间有长长嘅人龙，企系一格格载满唔同𩠌料嘅车仔前面，可以排队个阵先决定面同𩠌（要食菜就要点面个阵讲埋，店员煮面就顺便渌埋菜），又可以等店员煮好煮好碗面先决定酱汁，你由头到尾睇住自己碗面‘诞生’，而系点菜过程当中，你系会同帮你煮面嘅人有交流，我谂食物唔系一个回忆重点，过程先系令人怀念，依家有好多车仔面店，但系大家只可以对住冷冰冰柯打纸落单。因为哑x有团购，之前又睇过杂志报导店主嘅访问，所以大手买入左现金券（可以食三次），打算试晒所有‘名菜’。我叫左广岛蚝椰汁泡饭，椰汁汤好香，无添加味精，怎至连蚝都无添加，我觉得似系就咁将蚝放入水渌熟，总之味道好raw，就知道系广岛蚝；周一腹当然抗拒唔到咖哩诱惑，叫左广岛蚝咖哩饭，佢嘅炸蚝同我嘅汤蚝同出一彻，应该无添加就上炸浆，咖哩味道超淡，质地好奇怪，只可以叫咖哩色玻璃芡；周一腹话南乳鸡翼嘅味唔够出，我就话刚刚好，因为我怕南乳味太出就变左好咸；炸猪手，无论卖相同口感都食唔出系炸，其实我都唔肯定炸猪手应该系爽口定软身，呢个我放弃评论；一君炸蛋系鹌𪂹蛋，表面上左啲调味粉先炸，有啲味咁啰；我地叫左杯椰汁冰，我觉得比起某间专卖椰