影片
更多
2015-09-02
1247 浏览
星期六既夜晚，近近地又黎左荃湾揾野食，继续喺荃丰中心附近帮衬一些小食店，经过见到家尝饭有张2人枱吉左就入左去，听闻呢间餐厅少用油盐，唔落味精，打正其号sell健康，始终食得多糖油盐对身体都唔好。望左阵餐牌，我地就决定嗌套餐，辣蒜酒煮鲜露荀花枝扁意粉 & 红酒烩牛尾意粉，由于唔钟意南瓜既味道，所以要红汤，餐饮就要冻柠水(少甜)。意大利杂菜汤，同一般既罗未汤没两样，味浓，虽然餐厅标榜少盐，但可能用多左茄膏，饮落都几咸，而蔬菜红萝卜都煲得几淋。辣蒜酒煮鲜露笋花枝扁意粉，朋友食完话麻麻地，味道都真系偏淡，少少辣味都食唔到，意粉亦好干身，虽然系少油盐啫，但都未至于要食一碟干净净既意粉呀~红酒烩牛尾意粉，红糙米虽然健康，但我真系唔钟意食，所以转跟意粉，咁就出事嘞，个意粉都真系用滚水煮孰就算，一D味道都冇，何解唔用少少橄榄油捞捞佢呢，都唔系好唔健康啫。反而个牛尾就几出色，煮得好淋好入味，咬落仲有少少黏口既感觉，份量都足够，起码唔会得条骨冇肉食，唯一系红萝卜可能煮既时间唔够，仲系偏硬身。最后就系冻柠水，己经专登要少甜，但仍然饮紧糖水咁，可能一时重手。其间见到老板对住几枱食客不停讲野吹水，如果系熟客都还
望左阵餐牌，我地就决定嗌套餐，辣蒜酒煮鲜露荀花枝扁意粉 & 红酒烩牛尾意粉，由于唔钟意南瓜既味道，所以要红汤，餐饮就要冻柠水(少甜)。
意大利杂菜汤，同一般既罗未汤没两样，味浓，虽然餐厅标榜少盐，但可能用多左茄膏，饮落都几咸，而蔬菜红萝卜都煲得几淋。
辣蒜酒煮鲜露笋花枝扁意粉，朋友食完话麻麻地，味道都真系偏淡，少少辣味都食唔到，意粉亦好干身，虽然系少油盐啫，但都未至于要食一碟干净净既意粉呀~
红酒烩牛尾意粉，红糙米虽然健康，但我真系唔钟意食，所以转跟意粉，咁就出事嘞，个意粉都真系用滚水煮孰就算，一D味道都冇，何解唔用少少橄榄油捞捞佢呢，都唔系好唔健康啫。反而个牛尾就几出色，煮得好淋好入味，咬落仲有少少黏口既感觉，份量都足够，起码唔会得条骨冇肉食，唯一系红萝卜可能煮既时间唔够，仲系偏硬身。
最后就系冻柠水，己经专登要少甜，但仍然饮紧糖水咁，可能一时重手。
其间见到老板对住几枱食客不停讲野吹水，如果系熟客都还好，如果唔系都几打扰，始终唔系个个都咁吹得，还者想静静地食餐饭呢~~~
张贴
