華樂冰室

营业中

休息中

先带头盔。嚟之前系无睇过任何食评。今次就叫咗一个沙嗲牛肉通+蛋包+热柠水，沙嗲牛肉米+热华田，奶多，黑椒猪扒（炒）意粉+酱多+热奶茶。基于无任何事前了解，沙嗲牛肉原来系沙嗲酱跟牛肉片。唔系沙嗲牛肉有啲失望。至于黑椒猪扒（炒）意粉就系块猪扒原件另上+斋炒意粉，话就话系黑椒其实食落就系豉油炒意粉。食品就真系一般过一般。不过最令我唔会回头嘅一个原因系衞生情况。舖面干净企理嘅。但佢哋有一个动作我睇到惊讶。就系我睇佢哋收咗客人嘅清水杯就咁倒落个黄色胶桶然后用返桶落嘅水洗下只杯就摆返出嚟。我唔知个桶水系几耐又或者经已倒咗几多杯水落去。所以真系帮唔帮衬自己衡量。