青山灣美食廚房

营业中

休息中

今日中午专诚去三圣邨食海鲜，海鲜街售卖嘅海鲜种类繁多，有好多选择，当日游客不多，我哋可以慢慢拣，我哋买咗蛏子皇4只、墨鱼一条、鲍鱼4只、扇贝2只、龙虾一只，共$500。我哋无去附近酒楼，我哋去咗屋村嘅冬菇亭，见到一间青山湾美食厨房，这间是没有海鲜供应的，但可以买海鲜去加工。蛏子皇大只鲜甜，但唔够惹味。上汤焗龙虾👍芝士焗龙虾👍椒盐墨鱼姜葱鲍鱼煲好食，鲍鱼够大只，加上姜葱炆得好淋好入味👍扇贝够大只，鲜甜。总结：餐厅系茶餐厅格局，中午时分客人多数是街坊或附近工友，多数食午餐、碟头饭，只得我哋一枱食海鲜。服务态度就系一般茶餐厅正常服务。海鲜新鲜鲜甜，加工收费正常，但环境就麻麻，感觉不太卫生，可能晚上来感觉会好啲🤔。将来有机会再来三圣村，我会试吓其他食肆比较下。