一虎

营业中

休息中

餐厅：一虎地点：湾仔厦门街菜式：日式拉面餐牌：有拉面6款，饭一款，饺子一款，饮品。另外都有其他口味拉面，例如期间限定口味。可以剔纸选择面既种类同硬度，汤既香油，配料要唔要，加料或者加面。一虎特选 $143一虎特选卖相唔错，系包含所有配菜既拉面，非常丰富。叉烧5片，好薄切，完全唔韧，又唔会太肥，好有猪味。味付蛋一只，非常入味，呢度系原只上，无切开，入面软淋淋好滑溜，味道偏浓。海苔4大片，浸左落汤更好味。味付笋同木耳丝爽脆，份量好多。加上新鲜葱花同一小pat辣萝卜蓉。蔬菜份量真系好足！一虎个汤底系猪骨汤，好清，唔会太浓或者太油，我地叫左走香油。个面我拣左幼面同正常硬度，个人觉得都可以，下次希望可以试试粗面。赤虎特选 $149赤虎特选配料同一虎特选一样。赤虎系大阪人气激辛口味，个汤底呈红色，味道果然系辣，都几辣架。煎饺子 $48煎饺子一客六件。饺子皮煎得少少脆而滑溜，入面有猪肉同蔬菜馅。食埋饺子真系大大满足。红茶花伝柠檬茶 $17乌龙茶 $17红茶花伝柠檬茶同乌龙茶都系支装，卫生方便，仲有饮管。枱面都有冰水自己斟。枱头有辣芽菜，咸菜同红姜。星期日下午两点几都要等位，非常旺场。