Orange Elephant Thai Restaurant (啟德道) (已結業)

難得同老婆黎到九龍城緊係要食泰菜啦！睇見呢家橙象門面幾靚，緊係要入去試試。店員安排左我地坐一張四人枱，環境舒適仲好有泰國氣！原來星期五可以用$1食到蝦餅，唔同日子仲有其他一蚊驚喜添！我地仲點左大蝦粉絲煲，同埋咖哩焗海鮮。老婆點左個椰青，我超口渴點左杯芒果沙冰。第一道菜係炸蝦餅，一蚊有六件，絕對冇將貨就價，蝦餅結實而彈牙份量十足，而且岩岩炸起好熱氣，杯芒果沙冰正好用來下下火。粉絲蝦煲粉絲夠乾身，而且索曬大蝦鮮味，用黎送飯一流！蝦肉用上泰國虎蝦，啖啖肉之餘仲好彈牙。仲有用錫紙咖哩焗海鮮，賣相一流食落有濃郁咖哩同椰香味。兩個人叫三樣野已經食到好飽，下次要約多幾個親朋好友一齊黎試下個辣椒膏炒蟹先！