影片
更多
2012-05-02
1009 浏览
稻香一蚊鸡优惠原本4月30日就到期，点知佢地延长优惠至5月4号，我地一家人即刻拿拿临订枱，趁五一假期提早庆祝母亲节！Book左八点钟5个人食饭，我7:53pm去到侍应就即刻畀位我，完全唔驶等，非常好！开左茶位，家人陆续到齐，我地5个人响度左睇右睇，谂紧叫咩好，侍应哥哥都几好人，主动埋黎话︰不如叫左一蚊鸡先？限量供应呀，不如早D帮你地叫左鸡先~由于人多，我地决定一口气叫3只穗香鸡！D鸡好快就送到啦！真系成只鸡上，大大碟加埋3蚊咋，真系抵到烂！讲真，佢其实只系浸熟左只鸡，上碟时加D豉油畀你点黎食，冇乜功夫，所以都唔敢话好好味，不过平到咁，大大只D肉都相当滑，绝对收货啦！我地随后叫左个京都骨，$78蚊比较细碟，不过配埋蜜桃汁都几好味架，D骨炸得够香口~跟手又叫左个菜($68)，淡淡地清清地，不过不失啦，冇咩特别...再叫多个金菇肥牛煲，除左金菇仲有唔少芽菜同粉丝，肥牛一D都唔肥，不过正好适合女士食！整得好香而且都几大煲架，$78呢个好味道兼抵食~食到咁上下，决定再叫多一只一蚊鸡！好过叫饭食啰，白饭都成10蚊碗，成只鸡先至收你$1...我地每人加$8可以享“自助吧”优惠，全晚免费享用各式饮品甜
Book左八点钟5个人食饭，我7:53pm去到侍应就即刻畀位我，完全唔驶等，非常好！开左茶位，家人陆续到齐，我地5个人响度左睇右睇，谂紧叫咩好，侍应哥哥都几好人，主动埋黎话︰不如叫左一蚊鸡先？限量供应呀，不如早D帮你地叫左鸡先~
由于人多，我地决定一口气叫3只穗香鸡！D鸡好快就送到啦！真系成只鸡上，大大碟加埋3蚊咋，真系抵到烂！讲真，佢其实只系浸熟左只鸡，上碟时加D豉油畀你点黎食，冇乜功夫，所以都唔敢话好好味，不过平到咁，大大只D肉都相当滑，绝对收货啦！
我地随后叫左个京都骨，$78蚊比较细碟，不过配埋蜜桃汁都几好味架，D骨炸得够香口~
跟手又叫左个菜($68)，淡淡地清清地，不过不失啦，冇咩特别...
再叫多个金菇肥牛煲，除左金菇仲有唔少芽菜同粉丝，肥牛一D都唔肥，不过正好适合女士食！整得好香而且都几大煲架，$78呢个好味道兼抵食~
食到咁上下，决定再叫多一只一蚊鸡！好过叫饭食啰，白饭都成10蚊碗，成只鸡先至收你$1...
我地每人加$8可以享“自助吧”优惠，全晚免费享用各式饮品甜品同酱料！我地乘机自制左几款辣酱，仲加左D炸蒜香葱落D鸡度，等D鸡唔驶咁寡，哈哈！大家不妨试下，好食好多！佢个自助吧有各式汽水、雪梨茶、酸梅汤、热杏霜、芋头西米露、陈皮红豆沙、黑芝麻糊...热杏霜好好饮，三款甜品都够香又唔会太甜，呢$8加得抵啰~！
全晚侍应服务态度都唔错，虽然人多但唔会话觉得好逼，上菜亦快，我觉得唔错！可能因为荃湾西人流较少，所以服务同食物水准都比较高，好过我之前帮衬的葵芳分店好多呢~张贴
