Orange Elephant Thai Restaurant (博文街) (已搬遷) 新店位置

FB 见人post 左，$1 条乌头咋！ 决定要去会一会佢。细心再睇睇，原来系每日有不同的 $1 菜式，例如炸虾饼、炒通菜、炸猪排、无骨凤爪、咖哩鸡同啤酒，日日不同。而星期三就系 $1 乌头，我当然等果日先去啦！奥运站出来经天桥，远远已经见到只橙象，白色门面，大大只字，几 sharp ！内里环境都几好，枱够大张，平日晚上七点左右已经高朋满座，都几热闹架！餐牌泰式明炉乌头鱼 $1主角，原价$162 的乌头，今日一蚊咋，一定要食啦。唔算好大条，不过有不少香葱、芫茜、姜、肉粒同菇做调味，仲有个火炉烚下烚下，好香㖞！鱼肉好嫰滑，汤底略嫌清左啲。附上的酸辣汁够辣，即时美味加分。一蚊真系抵到烂。咖哩海鲜脆饱盎 $142卖相实在吸引，上菜时隔离左右都忍唔住望过来。黄咖哩，好香椰奶，香而不辣。隐约食到有点蛋白丝，质感真的不错。海鲜有大只的珍宝青口、虾仁、鱿鱼、班块，啖啖肉几丰富。而垫底的面包绝对系灵魂所在，好脆囗的法包，有刀叉方便将个面包盎切成一片片，索晒D咖哩汁，正呀！果然系必食推介。咸肉炒椰菜苗 $64蔬菜我地order 左椰菜苗，去食泰国野如果唔食吓椰菜苗好似欠左啲乜，话晒平时好少有得食呢种菜。