Orange Elephant Thai Restaurant (利奧坊) (已結業)

今日同朋友嚟利奥坊食饭，俾呢间泰国餐厅$1菜式吸引咗，一蚊鸡竟然可以食到泰式经典明炉乌头，超级抵食🤩餐厅采用落地大玻璃，引入自然光，加上室内装修极具泰式风格，感觉好似去咗泰国旅行咁☺️泰式经典明炉乌头🐟虽然系一蚊鱼，但系绝对冇揸流摊，乌头好新鲜好大条，啖啖肉，汤底酸酸辣辣好惹味，加左大量香葱，肉碎同香菇做配菜，吸收哂鱼嘅鲜味同汤汁😋烧原只鱿鱼筒🦑好大只，烧到好香，配上特制嘅泰式酱汁酸酸辣辣几开胃又惹味，入口鲜味，爽口弹牙，咬落完全唔韧👍🏻焗大虾粉丝煲🦐上碟热辣辣出晒烟，大虾新鲜，爽口弹牙，大大只，开边后吸收酱汁精华更入味😍粉丝份量好多，加咗大量香蒜🧄同九层塔好惹味，粉丝晶莹剔透，吸收咗鲜虾同酱汁的鲜味精华好浓郁好惹味🤤🥥椰汁珍多冰椰汁味好香浓，有好多班兰同芒果啫喱爽口清甜，消暑解腻。🍋热青柠蜜酸酸甜甜，用咗好多青柠，好清新润喉。整体而言，食物质素不错，泰式煮法正宗，环境舒适，座位和餐桌宽敞；服务态度良好；价格合理，有1蚊菜式更抵食。