京都高級宴會廳 (已結業)

沙田区同事介绍，话呢度有一蚊鸡食，仲要系好大只，即日就约埋鸡痴老老黎食。碟鸡真系好大碟，完整一只无花假，烧得都几香口。我同老老既食量，食完呢一只鸡都饱喇，但系又唔可以唔叫野食架，所以叫左个花胶鱼汤浸苋菜，$68。哗，又系好大碟。叫左一个饭，连小食茶位加一都系$109，好抵呢。仲有糖水送，不过唔系主动比你，系要你问先有。(好彩同事一早话我听有o者)。成餐饭最唔likeh系我比$120佢，佢竟然唔找钱，问成两三次，等15分钟先施施然行过来 (成晚都唔系忙既)。令人感觉很差。结果，我一蚊贴士都唔比。