影片
更多
2017-06-12
983 浏览
小妹真系好好好中意食芝士，芝士蛋糕更加系最爱嘅甜品之一，所以收到风话Cheesecake Factory系香港开分店就即刻约闰蜜朋友去试，等左咁耐，终于食到啦啦啦，很是兴奋的！我系下昼两点半度到，本身谂住佢都开左一排，又唔系lunch或dinner时间，应该少d人挂，而且门口排队嘅人龙都唔长。点知原来条队系排黎拎我筹，到我嘅时候，个女仔好细心咁提醒我话要等90分钟，问我等唔等，我当然等啦！但实在太肚饿，所以我地去附近医左肚先返黎，果然唔迟唔早，90分钟即刻到我地。Cheesecake Factory嘅灯光真系几昏暗，而且偏红色，我地想同d cake合照都唔系咁易，会影到个人块面太红，不过情调是不错的！我地一坐低就有个外籍嘅侍应递上menu而且好热情咁问我地系咪第一次黎，仲好详细咁介绍佢地热卖嘅款式，包括以下3款。听完意见之后，我地都认真地研究左一阵，发现menu好多蛋糕名都好特别，例如Chris'克里斯惊人芝士蛋糕、Craig's克雷格疯狂红萝卜芝士蛋糕同朱古力燕尾服忌廉芝士蛋糕，真令人好奇到底系咩味道！ 但我地为免中伏，最后都系叫左最受欢迎嘅鲜士多啤梨芝士蛋糕、无敌红丝绒芝士蛋糕同奥
我系下昼两点半度到，本身谂住佢都开左一排，又唔系lunch或dinner时间，应该少d人挂，而且门口排队嘅人龙都唔长。点知原来条队系排黎拎我筹，到我嘅时候，个女仔好细心咁提醒我话要等90分钟，问我等唔等，我当然等啦！但实在太肚饿，所以我地去附近医左肚先返黎，果然唔迟唔早，90分钟即刻到我地。
Cheesecake Factory嘅灯光真系几昏暗，而且偏红色，我地想同d cake合照都唔系咁易，会影到个人块面太红，不过情调是不错的！
我地一坐低就有个外籍嘅侍应递上menu而且好热情咁问我地系咪第一次黎，仲好详细咁介绍佢地热卖嘅款式，包括以下3款。
听完意见之后，我地都认真地研究左一阵，发现menu好多蛋糕名都好特别，例如Chris'克里斯惊人芝士蛋糕、Craig's克雷格疯狂红萝卜芝士蛋糕同朱古力燕尾服忌廉芝士蛋糕，真令人好奇到底系咩味道！ 但我地为免中伏，最后都系叫左最受欢迎嘅鲜士多啤梨芝士蛋糕、无敌红丝绒芝士蛋糕同奥利奥非凡梦想芝士蛋糕。
点左餐后，小妹忍唔住出去cheesecake柜望下，真系好多款，而且个个样貌十分讨好！好想全部试匀晒佢
黎啦黎啦！个芝士蛋糕比我想像中大件，睇落好似都几抵食。呢个鲜士多啤梨芝士蛋糕上面嘅士多啤梨已沾糖浆，所以食起黎一d都唔酸，好甜，清新！个蛋糕上面同侧边有两旧好大嘅忌廉，可以配埋一齐食，以中和芝士蛋糕嘅甜腻度。呢个芝士蛋糕系原味果个，只系加左士多啤梨，食落口感好绵滑，感受到非常浓郁嘅芝士味，真系好幸福啊！超香超好味！我地3人分，每人嘅分量唔多，但食完个士多啤梨芝士蛋糕之后我已经饱饱地！
鲜士多啤梨芝士蛋糕
$79
83 浏览
0 赞好
0 留言
跟住试红丝绒芝士蛋糕，佢系一层芝士一层红丝绒蛋糕，而佢用嘅芝士并非原味果款，芝士味淡点，质地就差唔多，都系好滑溜。中间嘅红丝绒蛋糕清清地，食落口感湿润，不过外面有白朱古力碎，为蛋糕增加甜味。整体黎讲，呢款比原味清淡，建议可试食呢款先。
无敌红丝绒芝士蛋糕
$79
36 浏览
0 赞好
0 留言
最后亦系3个中最甜最漏嘅奥里奥非凡梦想芝士蛋糕！蛋糕除左有块曲奇外，上下各有一层非常浓郁嘅朱古力酱，当几层一齐食嘅时候，真系好好好甜！呢个时候，建议将忌廉搽系蛋糕上一齐食，中和蛋糕嘅甜味。
奥里奥非凡梦想芝士蛋糕
$79
48 浏览
0 赞好
0 留言
其实除左甜左d之外，蛋糕都好好味，好值得推荐！
张贴
