亞蘇爾 (新城市廣場) (已結業)

澳门话近唔近，话远唔远，最惨系个边消费宜家都唔平，有时兴想突然想食澳门菜都唔知点算！今日同友人相约新城巿食tea，发现开左好多新食肆，仲要俾我揾到呢间主打传统及土生葡菜嘅亚苏尔，当然要即刻试试啦！我几钟意亚苏尔，所有你要用嘅餐具、纸巾、酱料同水都放左系台面自助，唔洗麻烦忙碌嘅侍应们。套餐有平有贵，八十几到百六七都有，丰俭由人，前菜有汤同沙律，包饮品，唔够喉仲可以+$12有个甜品鲜虾带子鱼汤饭一上台就闻到好香嘅蕃茄味，好足料，配埋鱼汤香浓清甜又开胃。配料有鲜虾同带子仔，两样都好新鲜。整体黎讲酸甜有鲜味，份量亦十分大！华侨椰香鸡汤米友人点了米粉，佢话味道香浓，咖哩味未算好突出，但椰香味就好味，忍唔住一口接一口。而且配料鸡件都有四五旧，好抵食！最后当然唔少得食番个葡挞先走啦！系等待安排入座时，已经系店外闻到香气扑鼻嘅葡挞！葡挞外皮酥脆，蛋浆刚刚熟，十分滑，为呢餐饭划上完美句号！