平成 (已結業)

餐厅位卡尖沙咀K11附近，不算难找，食完仲可以去K11行街街~ 因为冇得飞日本非常痛苦，行完DONKI后就决定食番餐日本菜一解思乡之苦。平成不只店名有日本风，连内部装潢都非常有日本居酒屋风!肚子很饿，于是叫咗烧五花腩三重芝士蛋饼、泡菜牛肉烧饼、紫薯沙律、三文鱼籽紫菜胡麻冷面、巨峰提子乳酸梳打同荔枝乳酸梳打。紫薯沙律，唔好睇佢细细地一碟，因为佢系用真材实料嘅紫薯mix埋少少沙律酱黎整，所以纤维十足，非常地饱!! 紫薯味浓，食落又几滑口，几新鲜既食法。三文鱼籽紫菜胡麻冷面~冷面弹牙烟韧，芝麻味浓，三文鱼籽份量都唔少，食落唔会滞，非常之清爽，好适合夏天食~我最钟意都系呢个烧五花腩三重芝士蛋饼!虽然系落咗五花腩但系唔会过于肥腻，三重芝士芝士味浓郁，芝士蛋饼系成个小锅仔咁上，非常之热辣辣~呢个好适合两三个人开心share，因为一个人食真系会唔哂!泡菜牛肉烧饼烧得几香脆，估唔到泡菜可以整烧饼，呢个组合几新鲜~泡菜量十足~两杯梳打嘅味道都唔错，几开胃又唔会太甜~真系有巨峰提子嘅味道~如果你系好想体会日式居酒屋风格嘅朋友可以嚟呢度试下~静静地坐喺度倾计都几开心~冇得去旅行既我都仲有呢度一解相思之苦~