牛角次男坊 (東薈城名店倉) (已結業)

是日同朋友系东涌行完山，已经体力大透支，决定系东荟城是但揾间野食。行上7楼，美食店铺林立，意外发现原来呢到有牛角次男坊，早前一直想试荃湾分店，但长期都好多人，谂住等少人D再试，所以一直未有机会。既然今次黎到有机会，又唔驶等，就决定入内一试。场内位置唔算多，但可能我早黎，又未到食饭时间，所以空位较多。因为我地食完大约7:30左右，已经要等位了。呢到最出名系牛角次男坊丼，采用既系美国肩脊肉，定价$78包埋野饮，都几抵食。D烧肉堆到好高，卖相已经十分吸引。肉质中规中矩，未算十分高质，但绝对对得起呢个价钱有余。但重点系配既牛角秘制酱汁，佢只酱同平时食牛角饭既汁有少少唔一样，佢呢只有少少微辣，食落十分开胃，同烧肉味道十分夹。男友选择左豚肉丼$68肉质一样属中规中矩，未算十分嫩滑，全靠酱汁加持。豚肉丼饭配上窝蛋，感觉味道有再提升。价钱方面的确性价比甚高，以烧肉丼饭来说属于中等级别，店内都有等级级别较高既牛选择，定价都合理。丼饭可以一解烧肉瘾，有时谂唔到食咩经过见到都系一个唔错既选择。