小清邁 (柯士甸大廈) (已結業)

今日天氣落雨濕濕，老婆突然話想食泰國菜但又唔想出街，咁我唯有睇下公司附近有咩泰國菜，search一陣竟然俾我搵到依間只做外賣冇堂食既泰菜（小清邁），雖然店鋪唔大，但大部份講得出既泰式菜都有，咁我緊係點番幾款食親泰菜都點既小炒。乾炒肉片河：好有鑊氣，份量又足，夠晒乾身。泰式炒金邊粉：甜酸配合得剛剛好，配埋花生碎/砂糖/青檸汁，非常之夾。無骨海南雞飯：雞好新鮮，又唔會太肥，好滑又入味，啖啖肉。總結：店舖係由正宗泰國人主理，所以品質都有一定保證。