影片
更多
2023-02-19
49 浏览
首先，我想赞下呢间餐厅嘅厨师同埋服务员。言谈之间听得出几位厨师，尤其主厨都系好有理想同埋热诚去经营好呢间餐厅，佢哋都希望以别出心裁嘅烹调方法，配上时令嘅食材，为食客带嚟一餐震撼视觉同味蕾嘅佳肴。佢哋好重视自己嘅出品，每一道菜都希望做到十全十美，先至呈献俾席上嘅每一位客人。另外服务员嘅态度非常友善，亦有贴心留意客人嘅需要并提供协助，整体我嘅用餐体验系十分之良好嘅。但系食物方面坦白讲我系有啲失望嘅。我会认为厨师嘅野心有啲过大，食材嘅配搭种类有啲过火，令到菜式嘅味道同层次过于复杂，浪费咗一啲食材原有嘅味道，亦都冇一个好深刻嘅记忆点。其中一道以M6和牛制成嘅tartare，就系一个好好嘅例子，因为味道同调味过于复杂，牛肉嘅味道都几乎被掩盖。另外八道菜入面，有两三道菜，同某几间米芝莲餐厅嘅出品极度相似，打卡嚟讲，其实好爽，但系只要食过其他餐厅嘅出品，难免会对呢几道菜产生比较。如果味道较为出色，当然可以突围而出，但系如果未能够优胜得过本尊，就令餐厅更加进退两难。我拣咗三道菜式嚟分享一下：本地黄油鸡配北海道七星米系我当晚最期待嘅菜式。七星米以鸡汤、白酒、干葱及鸡油烩熟，加埋脆卜卜嘅三文鱼籽，再淋上法
但系食物方面坦白讲我系有啲失望嘅。我会认为厨师嘅野心有啲过大，食材嘅配搭种类有啲过火，令到菜式嘅味道同层次过于复杂，浪费咗一啲食材原有嘅味道，亦都冇一个好深刻嘅记忆点。其中一道以M6和牛制成嘅tartare，就系一个好好嘅例子，因为味道同调味过于复杂，牛肉嘅味道都几乎被掩盖。另外八道菜入面，有两三道菜，同某几间米芝莲餐厅嘅出品极度相似，打卡嚟讲，其实好爽，但系只要食过其他餐厅嘅出品，难免会对呢几道菜产生比较。如果味道较为出色，当然可以突围而出，但系如果未能够优胜得过本尊，就令餐厅更加进退两难。我拣咗三道菜式嚟分享一下：
本地黄油鸡配北海道七星米系我当晚最期待嘅菜式。七星米以鸡汤、白酒、干葱及鸡油烩熟，加埋脆卜卜嘅三文鱼籽，再淋上法国黄酒调配嘅鸡汁。鸡皮上色上得好靓调味都唔错，鸡髀嫩滑，鸡胸合格，但系可惜鸡皮唔够脆同干身，个饭好食过只鸡，同埋可能我食过另一间配脆炸鸡皮嘅鸡饭，所以觉得呢个配三文鱼籽嘅有啲失色同埋比下去。
放满Royal Caviar 鱼子酱嘅白松露油冷天使面，厨师冇落其他调味料，单靠鱼子酱嘅咸鲜撑起成个面嘅味道。天使面嘅质感拿捏得啱啱好，唔会过淋，亦冇太硬，但系我食第一啖已经觉得太油腻，鱼子酱嘅咸香都唔能够中和番呢种油腻嘅感觉。
全晚最好食嘅系甘鲷立鳞烧，鱼肉肉质细滑鲜甜，鱼鳞既香且脆，片片分明兼且竖起，配埋清酒奶油酱汁，成功突显甘鲷呢种食材嘅独有鲜味同味道。
呢一餐唔系唔好食，以呢个价钱食到呢几道名菜其实好难得，但系呢个价钱同呢个味道，实在又有其他更好嘅选择，加上佢哋嘅地点同埋分咗两轮晚市，令我对呢间餐厅嘅评分只可以话一言难尽，可以一试。
张贴
