築地‧山貴水產市場 (已結業)

湾仔筑地开咗都一阵，最近终于有时间去试下，地方系比较难去到，如果喺尖沙咀搭船过去仲方便少少🤦🏻‍♀️入到去都几多嘢行，我哋望咗阵决定食丼饭，市场㖞梗系食鱼生。望咗阵两个都决定食七色北海丼，内容好似好丰富。依度嘅丼饭会配上紫菜，比你勺啲饭落去，加啲豉油同鱼生当手卷食。佢哋紫菜非常脆口，仲有本身嘅紫菜香气十足。两个人交换唔唔食嘅嘢先记得影相。海胆冇腥气，一啲苦都冇，非常新鲜。牡丹虾黏口鲜甜，带子肉质细嫩。整体份量适中，酸饭带有微温，饭粒喺嘴里回甘。坐喺吧台望住维港，系下午食饭嘅好去处，场内仲有好多商店仔，大家仲可以顺手买少少嘢返屋企添。