影片
更多
2025-02-25
891 浏览
几个死佬卒之等到有场卫生波踢吓，地点晌保安道球场，出咗身汗真喺爽晒。本来打算出番青山道揾食，不过，一出番保安道大街灯口位就见到呢间「荷里活冰室」，既然大家都踢到攰攰哋，当然就脚食呢间，费事再行。问咗收10:00pm，即喺有大半个钟食，茶记而言，够晒时间啦，不过，9:45pm就已经催埋单。由于嚟得晚，依家啲人都少出夜街，所以，睇到个场都无乜客咁滞。茶记胜在乜都有，但今次餐牌就无乜闲情点影，只喺影番我哋有拣嘅出嚟。加上今次揾手机影，影得随意，所以，啲相嘅质素喺差啲。老姜酒香猪润米 $55感觉喺就收工咁款，出餐都有啲hea，火腿奄列似就咁打完蛋浆加啲火腿炒两嘢，只可以讲喺火腿炒蛋，亦睇样都知煎到老晒。而碗猪润米向上睇以为只碗好大，其实底下好窄身，不过，始终碗口阔，米粉份量都多嘅，汤头有啲酒香，但老友话猪润唔算好嫩。干炒牛河 $60另外位老死叫干牛河，谂住喺茶记嘅稳胆之选，的确比预期炒得好食，一来啲河粉上色均匀，二来啲牛肉几腍滑，加上唔喺好油，老友赞炒得有一手。滑蛋虾球饭 $60小弟就拣咗碟虾球饭，不过，唔知点解等咗好耐先有，差不多大家都食晒我碟先嚟，仲有「滑蛋」部份完全唔喺我期望𠮶种以蛋浆炒
问咗收10:00pm，即喺有大半个钟食，茶记而言，够晒时间啦，不过，9:45pm就已经催埋单。由于嚟得晚，依家啲人都少出夜街，所以，睇到个场都无乜客咁滞。
茶记胜在乜都有，但今次餐牌就无乜闲情点影，只喺影番我哋有拣嘅出嚟。加上今次揾手机影，影得随意，所以，啲相嘅质素喺差啲。
老姜酒香猪润米 $55感觉喺就收工咁款，出餐都有啲hea，火腿奄列似就咁打完蛋浆加啲火腿炒两嘢，只可以讲喺火腿炒蛋，亦睇样都知煎到老晒。而碗猪润米向上睇以为只碗好大，其实底下好窄身，不过，始终碗口阔，米粉份量都多嘅，汤头有啲酒香，但老友话猪润唔算好嫩。
干炒牛河 $60另外位老死叫干牛河，谂住喺茶记嘅稳胆之选，的确比预期炒得好食，一来啲河粉上色均匀，二来啲牛肉几腍滑，加上唔喺好油，老友赞炒得有一手。
滑蛋虾球饭 $60小弟就拣咗碟虾球饭，不过，唔知点解等咗好耐先有，差不多大家都食晒我碟先嚟，仲有「滑蛋」部份完全唔喺我期望𠮶种以蛋浆炒出嚟嘅滑蛋，依家呢一种喺茨汁底勾啲蛋花，还好嘅喺啲虾球鲜甜弹牙，大大粒好食。
热奶茶拣晚市特价炒粉面除包餐饮，仲奉送例汤，不过，其实唔喺好饮得出喺咩汤，因为成碗汤都无咩渣捞到出嚟。至于杯奶茶，个人就觉得唔错，色泽沉实，茶底醇厚。
综合而言，啲出品无话好好，亦无话好差，正正常常OK咁啦，不过，可能就收工，部份侍应招呼就一般般，亦唔明点解厨房出菜要等成廿几分钟，仲谂住就收工会快啲添。
张贴
