影片
更多
2017-08-05
33 浏览
呢晚同旧同学系黄埔睇完蜘蛛侠后就系附近揾野食。以往极少黎红磡黄埔呢一头，自地铁线开通左之后，依家都算系交通方便左 黎黄埔既情况都多左。友人系呢头既地胆，呢一餐完全由佢发板，系佢一路带领之下黎到呢间原味栈面前。不得不说 店内既装潢都几有心机，墙上以充满中国特色既壁画作主调，天花板上缠绕著花藤同埋吊住椭圆形既灯泡，更添诗意。就黎餐具都散发住中国既气息，杯碗上都印著水墨画般既图案。餐内可打边炉火锅类，亦都有即叫即炒小菜。我地就拣左打边炉任食，最后亦都证明呢个抉择系好明智。四款火锅任选其一，我地点左龙穿凤即系胡椒海虾鸡煲，龙穿凤 一听就知够架势。未几 一d调酱配料就送到。选择唔多 但基本既如辣辣、蒜蓉都一应俱全。由于火锅set太丰富既关系 我地净系叫左半只鸡 点知份量依然唔少。整个锅主角系鲜虾同鸡件，开头既胡椒味有点儿淡，但当煲滚既时间越长既时候个胡椒味就越黎越突出。海虾十分新鲜，虾肉弹牙而又鲜甜。另外跟餐既豪华海鲜拼盘。绝无花巧 完全配得上豪华呢两个字。分别有龙虾、赖尿虾、海虾、鲜蟹、蚬同鲍鱼。净系呢一盘已经值回票价。龙虾每人有半只既份量，渌熟之后 将整旧肉身夹起 一啖摆落口，满口龙虾肉再配
友人系呢头既地胆，呢一餐完全由佢发板，系佢一路带领之下黎到呢间原味栈面前。不得不说 店内既装潢都几有心机，墙上以充满中国特色既壁画作主调，天花板上缠绕著花藤同埋吊住椭圆形既灯泡，更添诗意。
就黎餐具都散发住中国既气息，杯碗上都印著水墨画般既图案。
餐内可打边炉火锅类，亦都有即叫即炒小菜。我地就拣左打边炉任食，最后亦都证明呢个抉择系好明智。四款火锅任选其一，我地点左龙穿凤即系胡椒海虾鸡煲，龙穿凤 一听就知够架势。
未几 一d调酱配料就送到。选择唔多 但基本既如辣辣、蒜蓉都一应俱全。
由于火锅set太丰富既关系 我地净系叫左半只鸡 点知份量依然唔少。整个锅主角系鲜虾同鸡件，开头既胡椒味有点儿淡，但当煲滚既时间越长既时候个胡椒味就越黎越突出。海虾十分新鲜，虾肉弹牙而又鲜甜。
另外跟餐既豪华海鲜拼盘。绝无花巧 完全配得上豪华呢两个字。分别有龙虾、赖尿虾、海虾、鲜蟹、蚬同鲍鱼。净系呢一盘已经值回票价。
龙虾每人有半只既份量，渌熟之后 将整旧肉身夹起 一啖摆落口，满口龙虾肉再配上啖啖胡椒味。
饱鱼十分鲜嫩，一d内脏都被预先清除 十分体贴，口感弹牙爽口。
好少见任食边炉有赖尿虾食，而自己都比较少食赖尿虾，剥壳果阵都有小小鸡手鸭脚。
另外都附餐既美国安格斯手切肥牛，整整一大碟，爱牛的人有福了。肥牛脂肪花纹比例唔错，肉质嫩得黎又有香浓既牛味。
时令蔬菜篮，随餐而上。有菇类、娃娃菜、粟米、番茄等。系一轮既海鲜同肥牛洗礼后，可以食一d蔬菜黎调剂下。
另外亦有一张任叫火锅配料纸，因太饱既关系，我地净系另叫左一份鲩鱼片，绝无省料，足有十五、六片，大有你食到我就任你食之势。
总括黎讲，食材上十分新鲜，可以令你食均一片海陆两地食材，绝对会再次帮衬。
张贴
