影片
更多
2013-10-25
1763 浏览
虽然我只系新手，但我好小俾食评几乎全部都满分！最近想揾上海菜试，朋友就介绍左同我黎呢间度试下。首先环境舒适，服务态度都几好。门口仲可以泊车，当然有冇咁容易有位就系另外一个问题啦。话晒附近就围都有食肆，仲有间皇雀会喺隔离添。噫，死喇！有点离题～讲返啲美食先！食上海野就梗系一定要试小笼包啦！虽然要等15-20分钟，但真系即刻蒸噃，等一阵绝对值得！叫左冷盘食住等根本唔够时间添，师傅蒸多阵丫。至于味道简直一流，汤汁会有爆汁嘅感觉，皮算薄但又唔会穿。只系必须建议大家一上枱就即刻消灭左佢系最明智嘅决定（但当然要小心汤汁好热）。如果唔系，吹得太耐冷气一样会变硬，特别系个顶。老实讲小女子未遇到一间可以解决晒所有问题嘅小笼包，既要可以放到冻唔变硬，又要唔穿仲要好味真系有啲强人所难，所以呢度嘅小笼包系已经算好一流了。海哲皮真系好爽脆，夹起一条都可以咬到chok chok声，麻油好香。正到晕！蒜蓉拍青瓜清甜爽口，蒜蓉睇落好似好小，但蒜嘅味道浸晒入啲青瓜度。不过最重要浸到入晒味都仲系咁脆口，认真难得！猪手唔记得左个名，用绍兴酒浸过一上枱好重酒香。不过食嘅时候味道唔错但又唔系酒味，好特别。猪手完全系可以一啖一下
虽然我只系新手，但我好小俾食评几乎全部都满分！
最近想揾上海菜试，朋友就介绍左同我黎呢间度试下。
首先环境舒适，服务态度都几好。门口仲可以泊车，当然有冇咁容易有位就系另外一个问题啦。话晒附近就围都有食肆，仲有间皇雀会喺隔离添。噫，死喇！有点离题～讲返啲美食先！
食上海野就梗系一定要试小笼包啦！虽然要等15-20分钟，但真系即刻蒸噃，等一阵绝对值得！叫左冷盘食住等根本唔够时间添，师傅蒸多阵丫。至于味道简直一流，汤汁会有爆汁嘅感觉，皮算薄但又唔会穿。只系必须建议大家一上枱就即刻消灭左佢系最明智嘅决定（但当然要小心汤汁好热）。如果唔系，吹得太耐冷气一样会变硬，特别系个顶。老实讲小女子未遇到一间可以解决晒所有问题嘅小笼包，既要可以放到冻唔变硬，又要唔穿仲要好味真系有啲强人所难，所以呢度嘅小笼包系已经算好一流了。
海哲皮真系好爽脆，夹起一条都可以咬到chok chok声，麻油好香。正到晕！
蒜蓉拍青瓜清甜爽口，蒜蓉睇落好似好小，但蒜嘅味道浸晒入啲青瓜度。不过最重要浸到入晒味都仲系咁脆口，认真难得！
猪手唔记得左个名，用绍兴酒浸过一上枱好重酒香。不过食嘅时候味道唔错但又唔系酒味，好特别。猪手完全系可以一啖一下咁咬开。只可惜我唔认识猪骨嘅结构，食到有啲失仪。
五香牛展系朋友介绍的，但我唔知系咪我黑仔，啲筋位我咬唔郁之外食4块有3块都系肉质有点鞋的。只有1块系好香牛肉味，又算林的。下次再试多次先！
京葱炒牛肉，牛肉好林，京葱很甜。可惜我冇叫饭，汁捞饭应该错。
赛旁蟹蛋白很滑，仲加左干贝柱丝令个汁好鲜甜，唔错！
我觉得整体上都唔错，有两个小菜想下次再试，哈哈～
张贴
