小越南 (已結業)

之前已经同朋友黎食过一两次，由于真系太好味，所以决定带男朋友黎食。因为系街坊小店，所以店唔算好满座，但食物既质素已经远超于人流。两个人叫左个「二人晚餐」($194)，佢可以比你自己拣两个汤河/饭/捞檬，再加两个小食。我叫左生牛肉汤河，而男朋友叫左香茅牛肉捞檬，唔好见到生牛肉就惊惊，因为只要你轻轻浸入热既汤河，混合埋越式香料食，正！佢既汤底清甜，加上白萝卜同越式香料、香草，你系会食到停唔到口。而生牛肉既份量适中，送到黎自己先浸入汤底一齐食，咁牛肉就唔会熟过头变老，嫩口美味。而香茅牛肉捞檬方面，香茅牛肉香口惹味，唔会太硬难咬，捞檬粉汁可以自己按个人喜好加减份量，捞檬粉汁酸酸甜甜，好开胃，好适合香港又湿又热既天气食！小越南既重头戏一定系秘制牛油鸡翼真系太好味，次次黎到都一定要叫，系好味都会突然忘记左要减肥。秘制牛油鸡翼真系要趁热食，佢每一只鸡翼都有劲香浓既牛油味，外皮脆，鸡肉就嫩滑，真系食到停唔到口！外皮有淡淡既蒜蓉香味，唔会过份浓烈，人人都接受到，令到牛油鸡翼更加惹味。香、脆、滑！正！另外一款二人晚餐既小食我地拣左越式蒸粉包，感觉好似冇第一次食咁好味，佢既皮有d干，但都几滑，似茶楼既肠粉包