戀上台式料理 (已結業)

今日去開將軍澳做完野要食餐晚飯，記得之前黎過呢間台式料理食午餐，食物同環境都好唔錯，所以就黎多次。戀上三杯雞$88鐵碗上夠哂鑊氣，調味恰到好處，洋蔥九層塔味好香，雞肉嫩滑有肉汁，送飯一流。水蜜桃生炒骨$88新鮮熱辣卜卜脆，但內裏仍保持肉汁，肉粒肥瘦均勻，口感完全唔會油膩，醬汁酸味味夠開胃，菠蘿青椒配菜好夠多，食到停唔到口。台式鹵水小拼盤$68有好多豬耳、2隻雞翼同2塊豆腐，入味得黎又唔會過咸，豬耳都好早咬開，唔會好似橡筋咁。戀上蚵仔煎$68台式蚵仔煎濕潤煙韌，香脆得黎又有口感，蚵仔飽滿肥美，漲卜卜，味道濃郁，一咬就爆汁，加埋台式甜辣醬，酸酸辣辣。戀上蒜香田園$88係炒雜菜，有秋葵、四季豆、茄子同翠玉瓜，蒜蓉味香，夠哂健康。📌戀上台式料理 (將軍澳)地址：將軍澳唐俊街21號翩匯坊地下G26號舖評語裝修高級，環境優美食物有創意店員友善好客🐵推介：🍌🍌🍌🍌🍌（5🍌為滿分）