甜水 (已結業)

平时真系少食糖水，今次朋友带我去一间旺角嘅糖水店，因为平时都少食糖水所以同朋友每人叫咗一碗大家交换试吓，估唔到中式嘅糖水都可以系咁好味。❤️桃胶桂圆杞子❤️，桂圆杞子平时都会用嚟冲茶饮，当糖水食呢就比较少嘅，估唔到今次食呢一个桃胶桂圆杞子个口感系咁正，好有咬口，有啲似食紧燕窝嘅感觉，唔怪之得会被称为平民燕窝，但佢嘅营养护肤价值一啲都唔低，可以值得一试。❤️姜汤番薯甜水❤️，平时我超级怕食姜嘅味道，但系姜汤番薯糖水真系例外，姜嘅味道比黄糖中和左，而且番薯真系好甜，所以呢个糖水真系又可以暖身又好味，啱晒我呢啲又怕冻又食唔到姜味嘅女仔。