越翠苑

营业中

休息中

睇到良心店介绍，专程黎食，晚市黎到唔洗排就有位。少食越南菜，睇图以为蟹膏檬粉有真蟹膏，所以黎到见到类似蒸蛋咁样系有少少失望，但一试个汤底就完全收服左我。 汤底系鲜蕃茄味，仲有大大个原个蕃茄，清新又香甜，配檬粉好夹。 另有扎肉、豆卜、猪红好足料，越式蟹膏其实味道都唔错，有淡淡蛋味，下次会再叫。吹波鸡髀饭成个组合系好抵，足足有两只鸡脾，略嫌炸得比较干，但味道系正既，黄姜饭亦粒粒分明。猪扒法包超有惊喜，首先法包松脆绝对唔硬，馅料口感味道都好有层次，以腌萝卜为主，间或食到少少惹味既猪扒，完全食唔停口。 住附近会想日日买黎做早餐，必须要叫份大既先够喉。