影片
更多
2019-11-01
1134 浏览
我其实唔系好好甜点，但唯独喜欢食蛋糕，而且系冇乜cream但又要好软熟，唔太甜嘅果种蛋糕。今日心血来潮，突然想食啲甜嘅令自己开心下，但又唔想帮衬果啲会俾人装修嘅西饼店，所以上网揾左呢间戚风蛋糕专门店。见到佢啲蛋糕个个都好靓，独立一个个玻璃罩罩住，令我谂起美女与野兽果朵玫瑰花，而最重要系唔会有厚厚嘅cream喺面，所以买左几个返屋企食。佢个packing好用心，因为佢会喺蛋糕底痴胶纸，令佢哋唔会走位。首先我拣左「盛莓蓝蝶」，佢系以红莓桑莓蓝莓士多啤梨为主，蛋糕本身都有淡淡野莓香甜。切开中间先会有cream，但啲cream唔会好重奶油，唔会好腻。然后就系「日本柚子」，柚子嘅香味充斥着整个蛋糕， 因为蛋糕有少少柚子肉，清甜之余带点酸味，令你个感觉唔会好腻。最后就系「三色和茶」，我自己本身唔太喜欢抹茶，因为我觉得抹茶太苦。但点解我会拣呢一个蛋糕？因为我觉得佢揾埋三只颜色好靓，同埋咁样做应该比较考功夫。而当我食第一啖嘅时候，面头嘅𠮶一层抹茶竟然冇令我却步，因为佢呢个系偏甜嘅抹茶cream，而因为佢系以茶为主，所以呢一个蛋糕比之前两个会比较清。三个蛋糕都好好食，最主要系因为佢个蛋糕整到好软熟，而且
今日心血来潮，突然想食啲甜嘅令自己开心下，但又唔想帮衬果啲会俾人装修嘅西饼店，所以上网揾左呢间戚风蛋糕专门店。
见到佢啲蛋糕个个都好靓，独立一个个玻璃罩罩住，令我谂起美女与野兽果朵玫瑰花，而最重要系唔会有厚厚嘅cream喺面，所以买左几个返屋企食。佢个packing好用心，因为佢会喺蛋糕底痴胶纸，令佢哋唔会走位。
首先我拣左「盛莓蓝蝶」，佢系以红莓桑莓蓝莓士多啤梨为主，蛋糕本身都有淡淡野莓香甜。切开中间先会有cream，但啲cream唔会好重奶油，唔会好腻。
然后就系「日本柚子」，柚子嘅香味充斥着整个蛋糕， 因为蛋糕有少少柚子肉，清甜之余带点酸味，令你个感觉唔会好腻。
最后就系「三色和茶」，我自己本身唔太喜欢抹茶，因为我觉得抹茶太苦。但点解我会拣呢一个蛋糕？因为我觉得佢揾埋三只颜色好靓，同埋咁样做应该比较考功夫。而当我食第一啖嘅时候，面头嘅𠮶一层抹茶竟然冇令我却步，因为佢呢个系偏甜嘅抹茶cream，而因为佢系以茶为主，所以呢一个蛋糕比之前两个会比较清。
三个蛋糕都好好食，最主要系因为佢个蛋糕整到好软熟，而且唔会太甜。真系一试爱上，我会开始洗男朋友脑，叫佢生日再买俾我。因为佢呢度都有生日蛋糕可以订，而且价钱其实同坊间嘅西饼店差唔多，但质素绝对差好远。
食完三件蛋糕，当然唔系就咁就完啦！因为其实我仲另外买咗两个Bavarois。其实我原本唔知佢系咩嚟，以为只系普通啫喱类嘅甜品。其实佢系面头系水果果冻，底下就系一啲慕丝，但系实净啲。
首先我拣咗个「柠檬芝士」，呢一个味道以酸为主，但呢一种酸中带甜唔系唔会令你皱眉头，反而系食完一啖好想食第二啖。而佢嘅芝士味道唔会太浓已盖过柠檬本身嘅清新，所以都系好Fresh嘅感觉。
另一个我就拣咗「日本白桃」，一切开已经好香蜜桃味，整个都系好清甜，好好味。
张贴
