德國餐廳 (博文街) (已結業)

金黄色德国咸猪手 肉嫩皮脆 大角咀必试 入味即叫即制【Das Bier】‼️‼️ 已经吾系第一次食，行过大角咀原来都新开咗一间，佢地嘅咸猪手，真系食完又想再食，除咗咸猪手，其他菜式都一样咁出色😆环境好干净，又可以慢慢坐，真系倾计小聚好地方嚟架～德国咸猪手配薯仔沙律猪手真系超级超级大，所以一定要share😂一个人真系好难食得晒，卖相比好高分，因为望落已经好吸引好想食，铺排得好整齐，仲好细心咁帮你切埋起埋肉添！虽然全部都系肉，但一啲都吾油腻吾滞，皮好脆好香口，肉质鲜嫩多汁，咬落仲好有口感。吾讲吾知，原来猪手系经过风干后再焗，所以系经过多重功夫，肉味好浓，腌得好适中吾会太咸，加少少薯仔沙律食仲正！推荐必试菜式！墨西哥粟米片呢个系我去德国餐厅必点，好脆口，系一个食吾停口嘅小食，由于即叫即制，所以会有少少热，份量又系劲多，好浓郁嘅粟米味，够干身有口感！烧春鸡鸡嘅表皮系金黄色架😍仲带少少脆！一般烧春鸡可能会有啲干，但呢个又吾会，鸡肉好嫩滑，咬落有少少弹牙，仲带有少少甜味，正～香葱芝士焗薯条都系份量取胜，好抵食！每条薯条都布满咗芝士，系好邪恶，但会一试爱上，芝士迷真系不能错过，脆卜卜，用嚟送酒更佳！